Manispaa ya Mtwara-Mikindani inatarajia kupokea Mwenge wa Uhuru kutoka halmashauri ya Wilaya ya Mtwara mnamo tarehe 19,Juni 2018. Mwenge utapokelewa Kata ya Mtonya eneo la stedni ya daladala na kukimbizwa huku ukifanya kazi za kuweka mawe ya Msingi, Kufungua Miradi pamoja na kuona na kukagua shughuli mbalimbali zinazofanywa na halmashauri.
Miradi itakayotembelewa na Mwenge ni pamoja na kuona na kukagua jengo la magereza iliyokuwa inatumika kipindi cha ukoloni Mikindani pamoja na kutembelea jengo la Livingstone kuona makumbusho, Kuweka jiwe la Msingi Nyumba za wakuu wa idara zilizopo shangani, Kuweka jiwe la msingi ujenzi wa kiwanda cha ushonaji kwa ajili ya wajasiriamali wadogo, kufungua jengo la maabara ya kupimia udongo, kutembelea shule ya Msingi ya Michael angle, kutembelea kiwanda cha kubangua korosho cha Micronix,Kuweka jiwe la Msingi kituo cha afya Likombe na kuweka jiwe la Msingi ujenzi wa maabara shule yasekondari Mangamba
Pamoja na Miradi hiyo pia zitagawiwa chandarua kwa wamam wajawazito, ugawaji w apikipiki kwa watendaji wa Kata, ugawaji wa mkopo wa vyerehani kwa wana vikundi.
